.....

nufnang

nuffnang

Monday, May 7, 2012

ALBIE MAGSASAMPA NG KASO LABAN SA KAMPO NI ANDI?

Nagpa-blotter na kagabi, May 5, ang ina ni Albie Casiño na si Rina Casiño sa Precinct 9 ng Makati Police Station sa may Poblacion, Makati.

Ito ay kaugnay ng pambubugbog sa kanyang anak kahapon ng madaling-araw sa parking lot ng Fiamma Bar sa Makati City.


Kasamang dumating ni Rina sa police station ang asawa niyang si Bonjet Casiño, na galit na galit din sa nangyari sa kanilang anak.

Hindi sumama si Albie dahil kailangan pa raw nitong magpahinga sa mga sugat at pasang tinamo nito sa pambubugbog sa kanya.

Pinayuhan pa raw ng doktor ang young actor na bumalik ng Makati Medical Center para sa karagdagang tests.

NOT FOUR, BUT SIX. Ayon kay Mrs. Casiño, hindi lang apat kundi anim ang nambugbog sa kanyang anak.

Pinayuhan daw siya ng kanyang abugado na huwag munang magbanggit ng pangalan ng mga hinihinalang nambugbog kay Albie dahil hindi pa raw nila naisampa ang kaso.

Umiiyak ang ina ni Albie na inilahad ang nangyari sa kanyang anak.

Ang ikinasama pa niya ng loob, walang kalaban-laban ang anak niya sa mga malalaking taong may kagagawan nito.

“My son is turning 19 [on] May 14, and ten years older yung mga dumamba sa kanya,” mangiyak-ngiyak na pahayag Mrs. Casiño.

“Ngayon I’m getting reports... kasi ang daming tao namang may concern sa kanya [Albie] ang nagkuwento sa amin.

“May warning kasi sa kanya ang mga friends nito na sinabihan siyang ‘Pare, umalis na kayo kasi parang may mangyayari.’”           

Dagdag pang kuwento ng ina ni Albie, “After na binugbog siya, tumakbo itong si Andi, ‘Oh, what happened to you, what’s wrong?’

“Siyempre, alangan namang sagutin ng anak kong ‘I’m okay. I’m fine.’ Siyempre galit sa kanya ang anak ko.
Ang tinutukoy ni Mrs. Casino ay ang kumprontasyon sa pagitan ni Albie at ng ex-girlfriend niyang si Andi Eigenmann sa loob ng Fiamma Bar ilang sandali bago naganap ang pambubugbog sa young actor.

Patuloy ni Mrs. Casiño, “I mean, di ba? From slapping him, then going to him… ano sa tingin mo ang sasabihin ng anak ko sa kanya?

“Totoo, he cursed her, sinigawan niya, ‘Get out!’

“Siyempre, masakit sa kanya yun, e.”

Ngayon ay nagpapahinga raw muna si Albie sa kanilang tahanan at kailangan daw nitong magpagaling para pormal na nilang maisampa ang kaso laban sa mga nambugbog sa kanya.

Ayon pa kay Mrs. Casiño, “Siyempre, he’ so hurt physically at saka emotionally.

“Parang hindi niya maintindihan, e. Nananahimik na yung bata, wala naman siyang inaagrabyado.

“Parang it’s so unfair, siyempre may galit din siya.”

“AN EVIL THING TO DO.” Umiiyak pa ring nagparating ng mensahe si Mrs. Casiño sa mga taong nambugbog sa kanyang anak.

“Ano ba ang ginawa ng anak ko sa inyo, at saka ang tatanda nila para patulan nila ang anak ko.

“You know, may nanay sila. Isipin na lang nila kunwari sa kanila nangyari yun, ano ang feeling ng nanay nila?

“Parang… such an evil thing to do. Wala na ba silang magandang magawa?

“I don’t know, e. I don’t understand. Walang atraso sa kanila si Albie.”

Sa ngayon, wala pa raw nagpaparamdam o kumakausap sa kanila mula sa kampo ni Andi at ang mga taong gumawa nito sa kanyang anak.

 May mga ilang taong nabanggit sa unang balita na sangkot diumano sa naturang gulo ang nag-post sa kanilang Twitter at Facebook accounts na itinatangging tumulong sila sa pambubugbog kay Albie.
 Well, yun na nga, we’ll see,” sabi na lang ni Mrs. Casiño.

“Kung anu-ano ang mga sinasabi nila. Basta we’re gathering all information and evidences from the witness.

“Kasi meron naman talagang nakakita sa kanila.

“At siyempre ang anak ko, alam naman niya kung ano ang mga tumatama sa kanya, e.”

PURSUING THE CASE. Samantala, tipid lang ang mga pahayag ng ama ni Albie na si Mr. Bonjet Casiño. Pero ang isa raw sa ikinasama ng loob nito ay wala siya rito noong nangyari ang gulo.

Hindi raw niya maisip kung ano ang nagawa nito kung nando'n siya o naabutang binubugbog ang kanyang anak.

Pursigido raw siyang ituloy ang pagsasampa ng kaso, dahil dapat daw idaan sa tamang proseso para mapagbayaran ang ginawa sa kanyang anak.

Ayon kay Mr. Casiño, “Basta ako, I still believe in the legal system, that’s why we go through the legal process.

“Kaya nandito tayo ngayon, para magawa ang tama.

“Alam ko matatagalan pa ito, at mahabang proseso, pero matatapos din naman ‘to, e.”

Kahit alam daw niyang maimpluwensiya at kilala ang mga taong gumawa nito sa kanyang anak, hindi raw natatakot si Mr. Casiño dahil ang anak daw niya ang naapi rito.

Nang hiningan si Mr. Casiño ng mensahe para kay Andi, tumanggi itong magsalita.

4 comments:

Anonymous said...

DNA by an independent party. Tapos ang usapan. Kung si Albie ang tatay, I'd pay to see Andi kick Albie in the nuts repeatedly. Kung hindi si Albie ang ama, I'd pay to see Albie slap the hell out of Andi's face.

whorunthismotha?! said...

May kalalagyan din yang si Albie. Kinukunsinti kasi nung nanay e. Ayaw pa kasi aminin. Ayaw ng responsibilidad. Daming pera walang pambili ng condom. Pathetic.

Anonymous said...

Condoms don't work all the time. Haha. Tama DNA na nga. Para tapos na.

Anonymous said...

lovely jubbly fantastic thanks so much

Have a look at my website ... accident claims

KPOP

My Blog List

LinkWithin

Related Posts with Thumbnails